"Лаънати Конор". Сехудо UFC`ни Макгрегор билан шартномани узайтирмасликка чақирди

"Бу босқичда у шунчаки, лаънати, Конор тролл қиляпти. Унинг бирор бир сўзига ишонмайман. Лекин у пул келтиради, тушуняпсизми? Энди UFC`даги йигитларнинг навбати: "Эй, биз сенга шунча пул тўлаймиз, чунки сен шунчага арзийсан". Кафолат бераман, UFC уни қанча пул тўлаётганини ҳисобга олиб, шунчаки қўйиб юбориши мумкинлигини тасаввур қила оламан. Улар: "Эй, биласанми нима? Сенда битта жанг қолди. Биз сенинг бу пулга арзийсан деб ўйламаймиз. Сен эркин агент бўласан".

Агар мен тадбиркор бўлиб, пулимнинг кўп қисмини тежашни истасам, демак, Конорга лаънат. Уни ишдан бўшатардим. Қасам ичаман, шундай қилардим. Агар улар унга 30 миллион доллар бермоқчи бўлсалар-у, бермасликлари керак бўлса, шунчаки ташкилотдан ҳайданглар. Конор эркин агент бўлиб, бошқа жойда кўпроқ пул топсин, лекин биздан олмасин. Тўловли трансляциялар модели йўқ, ва бу одам [сўнгги йилларда] бирор бир жангда ютмаган.

Унда [UFC билан шартномаси бўйича] битта жанг қолди. Айтайлик, у Жастин Гэтжи билан жанг қилса ва қандайдир йўл билан уни ютса. Унда вазият унинг қўлида бўлади. Конорнинг кетиш ҳамда жуда кўп "сумка"лар билан жанг қилиб, бошқа жойда кўп пул топиш имконияти бўлади", - дея 39 ёшли америкаликнинг сўзларини келтирди MMA Fighting портали.