ONE чемпиони Ислам Махачевни адабини бериб қўймоқчи

У UFC`нинг ярим ўрта вазн тоифаси чемпионига қарши ўз устунлигини исботлашга тайёр.

"Мен қайси ташкилотда бўлишидан қатъи назар, дунёдаги энг яхши жангчи эканлигимга мутлақо аминман. Агар битта жангни танлашим мумкин бўлса, ҳозир Ислам билан учрашиб, ярим ўрта вазн тоифасида мутлақ камар учун курашишни истардим. У ҳам мен каби икки вазн тоифаси чемпиони, фақат UFC`да. У ўз даражасини барча кучли рақиблари билан учрашиб исботлаган, лекин яна такрор айтаман, фақат UFC`да. Махачев бошқа ташкилот жангчилари билан жанг қилмаган", - деди канадалик MMA Fighting нашрига берган интервьюсида.

Лининг сўзларига кўра, у россиялик билан нафақат тик ҳолатдаги жангда, балки партерда ҳам устунлик қила олишига шубҳа қилмайди.

"Унга ўз жангини ўтказишни мажбур қилиш керак. Менимча, мен уни тик ҳолатдаги жангда зарба билан ушлаб, партерга тушириб, устунлик қила оламан ва у ўз рақибларига одатда қилган ҳамма нарсани унга ўтказа оламан. Менинг услубим бошқа, кўникмаларим бошқа ва мен буни бир кун келиб намойиш этишни жуда истардим", - дея қўшимча қилди Ли.

Август ойида Ислам Махачев ўзининг 17-ғалабасини нишонлаб, UFC`да энг узоқ ғалаба қозонган серия бўйича янги рекорд ўрнатди. Кристиан Ли эса ONE Championship байроғи остидаги сўнгги ўн битта жангининг тўққизтасида ғалаба қозонган.