28 янв 15:18
Янгиликлар

Футбол

2024 йилги Америка Кубоги қаерда бўлиб ўтади?

Теглар : Copa America

Бу турнир фақат Жанубий Америка жамоалари учун ўтказилмайди.

Америка Кубоги-2024 АҚШда ўтказилиши режалаштирилган. Бу ҳақда КОНМEБОЛ (Жанубий Америка Футбол Конфедерацияси) ва КОНКАКАФ (Шимолий ва Марказий Америка Футбол Конфедерацияси) биргаликда маълум қилди.

Мусобақада 16 та жамоа иштирок этади: 10 таси Жанубий Америка, 6 таси КОНКАКАФ минтақаси вакили. Шимолий ва Марказий Американинг терма жамоалари ўз минтақасидаги Миллатлар Лигаси орқали мусобақага сараланади.

Эслатиб ўтамиз, 2016 йилда АҚШ Копа Сентенарио деб аталадиган турнир – Америка Кубогининг юз йиллиги шарафига мусобақа ўтказганди. Унда ҳам 16 та жамоа иштирок этганди, улардан олтитаси КОНКАКАФ зонаси вакили эди. Финалда Аргентинани пенальтилар сериясига кўра мағлуб этган Чили чемпионликни қўлга киритганди.

Америка Кубогининг амалдаги ғолиби Аргентина терма жамоаси бўлиб, бир йилдан сўнг жаҳон чемпиони бўлди.