Евро-2024 ва Copa America ғолиблари ўртасидаги ўйин қачон ўтказилади?

2021 йилда УЕФА ва Жанубий Америка футбол конфедерациялари ўртасида 2028 йилгача мўлжалланган Меморандум имзоланганди. Унга кўра, 2022 йилда Финалиссиманинг биринчи ўйини бўлиб ўтган ва унда Аргентина Италияга қарши майдонга тушганди. Жанубий америкаликлар Лондондаги "Уэмбли" стадионида ўтган учрашувда 3:0 ҳисобида ғалаба қозонишган эди.

Евро-2024 финалида Англия ва Испания ўйнаса, Америка Кубоги финалида Аргентина терма жамоаси Колумбияга қарши майдонда саф тортади. Икки қитъа чемпионлари ўртасидаги учрашув эса АҚШда ўтказилиши мумкин.