15 июн 18:47
Янгиликлар
Таэквондо
Париж Олимпиадаси финалида Светлана Осиповани мағлуб этган франциялик таэквондочи спортдан четлатилди
Париж-2024 Олимпия ўйинлари чемпиони, француз таэквондочиси Альтея Лорен 20 ой муддатга дисквалификация қилинди.
Қоидабузарлик спортчиларнинг кутилмаган допинг назоратларини ўтказиш учун ўз жойлашуви ҳақида маълумот тақдим этиш мажбурияти — "whereabouts" тизими билан боғлиқ.
Франция Допингга қарши кураш агентлиги қарорига кўра, Лорен 12 ой ичида мазкур қоидаларни уч марта бузган.
Натижада Альтея 2026 йил 9 февралдан 2027 йил 9 октябргача дисквалификация қилинди ва унинг 2025 йил 23 сентябридан 2026 йил 9 февралгача бўлган даврдаги натижалари бекор қилинди.
Спортчининг таъкидлашича, у доим допинг назоратидан ўтган ва тегишли ташкилотлар билан ҳамкорлик қилган. Қоидабузарликлар эса маъмурий характерга эга бўлиб, Олимпиададан кейинги зич жадвал билан боғлиқ бўлган.
Аввалроқ, ҳамюртимиз Улуғбек Рашитов ҳам айнан мазкур сабаб билан четлатилганди.
Ҳавола :
Манба : Olamsport.com
Фикрлар