29 авг 09:33
Янгиликлар

Теннис

33 ёшли Жокович финал остонасида Агутга қарши 3 сетдан иборат 3 соатлик учрашув ўтказди

АҚШнинг Нью-Йорк шаҳрида "Мастерс" сериясига кирувчи нуфузли турнир бўлиб ўтмоқда.

Сайёрамизнинг биринчи ракеткаси Новак Жокович мусобақанинг ярим финал учрашувида қийинчиликка дуч келди. Сербиялик теннисчи рейтингнинг 12-поғонасидан жой олган испаниялик Роберто Баутиста-Агутга қарши кортга чиқиб, 4/6, 6/4, 7/6(0) ҳисобида ғалаба қозонди.

Роппа-роса 3 соат давом этган баҳсда 33 ёшли Жокович 14 та эйс зарбани амалга оширди. Теннисчиларнинг ўзаро учрашувларидаги ҳисоб Новак фойдасига янада йириклашди - 8:3. Энди сербиялик Western & Southern Open бош соврини учун баҳсда канадалик Милош Раоничга қарши кортга чиқади. Бу Новак учун "Мастерс" турнирларидаги 51-финал бўлади.