07 сен 14:51
Янгиликлар

Дзюдо

35-Жаҳон чемпионатидаги иштирокини тасдиқлаган давлатлар 65 тага етди

Тарихда илк бор Тошкент шаҳри мезбонлигида ўтадиган катталар ўртасидаги жаҳон чемпионати стартига бир ойдан кам вақт қолди.

Айни шу сонияларга келиб, 6-13 октябрь кунлари муҳташам "Ҳумо" арена саройида ўтказиладиган дунё биринчилигидаги иштирокини расман тасдиқлаган давлатлар сони 65 тага етди. Алфавит бўйича Ангола ва Австралиядан бошланган рўйхат ҳозирча Замбияда якунига етиб турибди. Қатнашчи мамлакатлар сони кун сайин ошиб боряпти.

Пойтахтимиз мезбонлигида ўтажак жаҳон чемпионати ҳисоб бўйича ўттиз бешинчиси бўлади. Охирги жаҳон чемпионати ўтган йилнинг 6-13 июнь кунлари Венгрия пойтахти Будапешт шаҳридаги Ласло Паппа номидаги аренада ўтказилиб, унда 118 давлатдан жами 661 (383 эркак, 278 аёл) нафар дзюдочи медаллар учун баҳс олиб борган эди.