06 окт 16:05
Янгиликлар
Бокс/ММА
50 ёшли Фёдор Емельяненко Фрэнсис Нганну билан жанг қилишни орзу қилишини айтди
ММА афсонаси, 50 ёшли россиялик Фёдор Емельяненко UFC собиқ чемпиони, камерунлик Фрэнсис Нганну билан бокс қоидалари бўйича жанг қилишни орзу қилишини билдирди.
"Ким билан жанг қилгим келади? Мен қон-қонимгача жангчиман, шунинг учун жанг қилишни истайман. Организмимда аллақачон турли оғриқлар ва жароҳатлар бор, лекин ҳали ҳам ўзимни яхши ҳис қиляпман. Агар ҳаммаси яхши бўлса ва Худо насиб қилса, Россияда жанговор самбо бўйича чемпионатда қатнашишни хоҳлардим. Лекин олдиндан бир нарса дейиш қийин.
Шу билан бирга, яна икки-учта бокс жанги ўтказишни истайман. Бу мен учун қизиқ. Айниқса, Фрэнсис Нганну билан бокс жангини ўтказишни хоҳлардим. Бу менинг орзум. У мен учун жуда қизиқ рақиб", — деди Емельяненко ТАСС агентлигига.
Ҳавола :
Манба : TACC
Фикрлар