Дейвисон Фигередо UFC'ни тарк этиш ниятида

Гап шундаки, Фигередо ўз чемпионлик камарини қайтиб олганидан уч ой вақт ўтиб, айнан Дейвисонга мағлуб бўлган Брэндон Морено ва Кай Кара-Франс ўртасида вақтинчалик чемпион унвони учун жанг бўлиб ўтиши кўзда тутилган. Бунга сабаб Фигередонинг узоқ муддатга сафдан чиққани. Фигередога эса бу ёқмаяпти.

"Ҳафаман, UFC'дан буни кутмагандим. Бир неча ой аввал сўнгги жангимни ўтказгандим, ҳозирдан вақтинчалик чемпион унвонини жорий қилишяптими? Таажубдаман. Тўғри, жароҳат сабаб жангни қабул қилмадим, бироқ сўнгги бор жанг қилганимга ҳам кўп вақт бўлмади. Ҳар доим ажойиб шоу кўрсатганман, вақтинчалик чемпион унвони сабаб  ўзимни қадрсиздек ҳис қиляпман.

Қаттиқ ҳафаман. Тан оламан, бу вазнни тарк этиш борасида жиддий ўйга толганман. Генри Сехудо билан биргаликда бу вазнни сақлаб қолдик, бироқ UFC'нинг бу саъй-ҳаракатидан сўнг шундай қарор қабул қилишга яқинман", - дея таъкидлаган бразилиялик жангчи Ag Fight нашрига берган интервюсида.

Аввалроқ, Дейвисон Фигередо жароҳат олиб, узоқ муддатга сафдан чиққани маълум бўлган эди.