12 авг 15:16
Янгиликлар

Бокс/ММА

Собиқ UFC чемпиони Дэйвесон Фигередуга жанг тайинланди

Ўта енгил вазн тоифасида собиқ UFC чемпиони рақамли турнирда октагонга чиқадиган бўлди.

Бразилиялик тажрибали аралаш яккакураш устаси 3 октябрь куни АҚШнинг Солт-Лейк-Сити шаҳрида ташкил этиладиган UFC 332 турнирида америкалик Пайтон Талботтга қарши жанг ўтказади.

Қизиғи, Дэйвесон сўнгги бешта жангида атиги битта ғалабага эришган ва айни дамда икки жанглик мағлубиятли серияси билан келмоқда: у Умар Нурмагомедовга ҳакамларнинг якдил қарори билан ютқазган бўлса, хитойлик Сонг Ядонгга гилотина усулида имкониятни бой берган.

Пайтон Талботт эса аксинча, кетма-кет иккита жангда ғалабага эришди. У Фелипе Лима ва Генри Сехудони ҳакамларнинг якдил қабул қилган қарори эвазига таслим этганди.