Тўртта вазнда UFC рейтинги янгиланди

Лас-Вегасда бўлиб ўтган UFC Fight Night 293 турнирида Валmдо Кортес-Акостани нокаутга учратган бразилиялик Жонни Уокер ташкилотнинг оғир вазн тоифаси мета-рейтингида доминиканлик билан ўрин алмашди ва дивизионнинг энг яхши Топ-15`талигига кирди. У ўн иккинчи поғонадан саккизинчи ўринга кўтарилди.

Шунингдек, россиялик оғир вазн тоифасидаги Ризван Куниев америкалик Кёртис Блейдсни олтинчи ўриндан тушириб, кучли ўнталикда бир поғона кўтарилди. У сўнгги жангида ватандоши Александр Волковга очколар ҳисобига кўра имкониятни бой бериб қўйганди. 

Тадбирнинг иккинчи муҳим жангида ҳакамларнинг якдил қарори билан Вирна Яндиробани мағлуб этган америкалик Татьяна Суарес икки поғона юқорилаб, биринчи ўринга чиқиб олди. Дивизионнинг собиқ чемпиони Вейли Чжан аксинча, иккинчи ўринга тушди. 

Вегасдаги мусобақанинг дастлабки кардида ҳакамларнинг якдил қарори билан ҳамюрти Габриэла Фернандесни мағлуб этган бразилиялик Карин Сильва аёллар ўртасидаги энг енгил вазн тоифаси рейтингидаги ўрнини яхшилаб, ўн тўртинчи поғонадан ўн иккинчи ўринга кўтарилди.