Фомин Грециядаги "Челленжер"ни илк босқичдаёқ тарк этди

Мукофот жамғармаси 56,700 еврони ташкил этган мусобақада мамлакатимизнинг биринчи ракеткаси Сергей Фомин ҳам иштирок этди.

У илк даврада wildcard орқали асосий тўрга йўлланма олган мезбон юрт вакили Иоаннис Ксиласга қарши кортга чиқди. Бир соату 59 дақиқа давом этган баҳсда грециялик теннисчи 4/6, 6/0, 6/2 ҳисобида зафар қучди ва нимчорак финалга чиқди.

Таққослаш учун, 25 яшар ҳамюртимиз Сергей Фомин ҳозирда ATP рейтингида 333, у билан тенгдош Иоаннис Ксилас эса 499-ўринни эгаллаб турибди.