10 ноя 16:50
Янгиликлар

Бокс/ММА

Мейвезер катта жанги учун эҳтимолий рақибларни очиқлади

Америкалик бокс афсонаси, проф фаолиятини мағлубиятсиз якунлаган, февраль ойида 50 ёшга тўладиган Флойд Мейвезер келаси йили катта жанг ўтказишни режалаштираётганини маълум қилди.

Кичик Флойд эҳтимоли юқори бўлган рақиблар қаторида Райан Гарсия, Оскар Де Ла Хойя, Мэнни Пакьяо ва Конор Макгрегорни тилга олди.

"2027 йилда мен катта жанг ўтказмоқчиман. Бу Райан Гарсия, Оскар Де Ла Хойя, Мэнни Пакьяо ёки Конор Макгрегор бўлиши мумкин", - деди Мейвезер ўзи иштирок этган Альбукеркедаги (АҚШ) бокс кечаси трансляцияси вақтида.

Бу йил Мейвезер учта жанг ўтказишни режалаштирган эди: Майк Тайсон ва Майк Замбидисга қарши иккита кўргазмали жанг ҳамда Пакьяо билан реванш жанги. Аммо ҳозирча бу жангларнинг бирортаси ҳам амалга ошмади.

Яқинда 49 ёшли америкалик декабрь ойида Таиландда австралиялик Мэтт Флойдга қарши кўргазмали жанг ўтказишини эълон қилди ва уни WBC яримўрта вазн чемпиони Райан Гарсияга қарши жанг олдидан "разминка" деб атаганди.