Дана Уайт Оқ уйда матбуот котиби бўлиш таклифига ўз жавобини айтди

"Мен президентга ҳеч нарсада бош тортмайман. Мен дарҳол "йўқ" демадим. Менга журналистлардан қўнғироқлар бўлди, лекин мен ҳурматсизлик қилмоқчи эмасдим ва президентнинг ўзлари бу ҳақда гапирмагунча ҳеч нарсага изоҳ бермоқчи эмасдим", – деди дунёнинг энг кучли лигаси раҳбари журналистларга.

Шундан сўнг Трамп унинг таклифи дастлаб ҳазил бўлганини, кўпчилик эса жиддий қабул қилганини такрорлади.

"Бизда матбуот билан муносабатларда жуда омадсиз кун бўлди ва негадир унинг исми ёдимга тушди. Биз анчадан бери дўстмиз. Мен: "Ўйлайманки, Дана Уайтни янги матбуот котибим этиб тайинлайман", дедим. Мен буни бир гуруҳ журналистларга айтдим ва шу билан тугади.

Мен ҳазиллашгандим, лекин улар буни мен жуда жиддий айтгандек ёзишди. Натижада, ҳам Дана, ҳам мен қўнғироқлар ва саволлар билан кўмилдик. У барибир бу ерга келмоқчи эди, шунинг учун биз бироз кўнгил очишга қарор қилдик ва уни таклиф этдик. У бу ишда ажойиб ишлаган бўларди", – деди Трамп.

Шундан сўнг АҚШ Президенти Уайтдан ўз таклифига жавоб беришни талаб қилди, очиқчасига ҳазилни давом эттирди.

"Таклифингиз учун раҳмат, жаноб президент. Лекин мен сиёсат билан шуғулланиш истагида эмасман", – деб жавоб берди UFC президенти.

Бунга жавобан Трамп рад жавобидан "эзилганини" айтиб, матбуот анжуманини якунлади.