10 ноя 11:09
Янгиликлар
Бокс/ММА
Магомед Анкалаев кейинги жангини оғир вазнда ўтказмоқчи
Россиялик UFC жангчиси, ярим оғир вазн тоифасида собиқ чемпион Магомед Анкалаев рақиблар у билан жанг қилгиси келмаётганидан норози.
"Кўринадики, ярим оғир вазн тоифасидаги Топ-5 жангчилардан ҳеч бири жанг қилишни истамаётганга ўхшайди. Ҳар кимнинг ўз сабаби бор. Раунтри тайёр эмас, Рейнс яқиндагина жанг қилди ва жароҳат олди. Коста эса 10 миллион доллар хоҳлаяпти.
Оғир вазн тоифасида-чи? Жанг қилишга тайёр кимдир борми? Келинг, бу жангни январь ойида ташкил қилайлик», деб ёзган Анкалаев ўзининг X (собиқ Twitter) саҳифасида.
Маълумот учун, 34 ёшли UFC собиқ чемпиони Магомед Анкалаев сўнгги жангини июль ойида ҳамюртимиз Богдан Гусковга қарши ўтказиб, ғалаба қозонган эди. Унинг ҳисобида жами 22 та ғалаба, 2 та мағлубият ва 1 та дуранг бор.
Ҳавола :
Манба : x.com/AnkalaevM
Фикрлар