10 ноя 12:42
Янгиликлар

Енгил атлетика

Паризода Талабованинг медали ўзбек енгил атлетикаси учун тарихий бўлди

2025 йилги ёшлар ўртасида Осиё ўйинлари ғолиби Паризода Талабова Дакар-2026 ёшлар Олимпия ўйинларининг кумуш медалини қўлга киритди.

Найза улоқтириш дастурида иштирок этган енгил атлетикачимиз якунда 54.68 м натижа қайд этди ва шахсий рекордини янгилаган ҳолда кумуш медални қўлга киритди.

Бу тарихий натижа бўлди. Паризода Ўзбекистонга ёшлар Олимпия ўйинлари тарихида енгил атлетика бўйича илк медални тақдим этди.

Бундан аввал, 2009 йили Италиянинг Брессаноне шаҳрида ўтган U18 жаҳон чемпионатида Анастасия Свечникова найза улоқтириш баҳсларида 53,25 метр натижа билан ғолиб бўлган эди.