"Райан Гарсия фақат фаолиятини тугатган жангчилар билан жанг қилмоқчи" - Теренс Кроуфорд

Суҳбат давомида Кроуфорд Гарсиянинг мағлубиятсиз боксчи эмаслиги ва асосан ёши катта ёки фаолиятини якунлаган рақибларга қарши жанг қилишни хоҳлаётганини ҳазиломуз тарзда таъкидлади.

— Биз "Қасоскорлар" жамоаси бўлишимиз мумкин эди. Ҳаммамиз мағлубиятсиз эдик. Афсуски, у (Гарсия) мағлубиятсиз эмас.

— Лекин фикрингча, у ҳақиқатан ҳам сен билан жанг қилмоқчими?

— Балки. Билмайман.

— У ахир Мэнни Пакьяо билан ҳам жанг қилмоқчи эди. Сен билан ҳам, Пакьяо билан ҳам. Ҳамма билан жанг қилмоқчилигини айтади. Эррол Спенс ҳақида нима дейсан?

— У айтган уч кишининг ҳаммаси деярли фаолиятини тугатган. Ҳа, учаласи ҳам. Улар орасида фақат Пакьяогина ҳали расман фаолиятини якунламаган, — деди Кроуфорд.