16 окт 17:19
Янгиликлар

Теннис

Фомин Хитойдаги турнирининг 1/2 финалида ўйнайди

Хитойнинг Цяньдаоху шаҳри мезбонлик қилаётган теннис бўйича ITF таснифига кирувчи M25 тоифасидаги турнирда 1/4 финал учрашувлари ўтказилди.

Мусобақада мамлакатимизнинг биринчи ракеткаси Сергей Фомин муваффақиятли одимламоқда. Турнирда учинчи рақам остида сараланган ҳамюртимиз чорак финалда япониялик Юсуке Такахашини 6/4, 6/1 ҳисобида мағлубиятга учратди.

Таққослаш учун, ATP рейтингида 294, Юсуке эса 727-ўринни эгаллаб турибди. Бу теннисчиларнинг ўзаро ўтказган иккинчи учрашуви бўлди - 1:1. Ўтган йили Хитойнинг бошқа шаҳрида ўтган турнирда Такахашининг қўли баланд келган эди. Эртага Сергей финал чиптаси учун рейтингнинг 869-поғонасида бораётган беларуслик Мартин Борисюкка қарши кортга чиқади.