11 ноя 08:28
Янгиликлар

Бокс/ММА

Волков расм орқали UFC чемпионлиги учун жанг сўради + ФОТО

Александр Волков яна бир бор ўзининг катта ижодий қобилиятини намоён этиб, UFC раҳбариятига у ташкилотнинг оғир вазн тоифасида биринчи рақамли даъвогар эканлиги ва навбатдаги чемпионлик камари учун жанг қилиши кераклиги ҳақидаги фикрини етказишга ҳаракат қилди.

"Сунъий интеллект контентидан чарчадим. Менга чемпионлик учун жанг керак: ўзим чизиб чиққан расм орқали!", – деб ёзди россиялик оғир вазнли спортчи ижтимоий тармоқда, ўз ижод натижасини эълон қилиб.

Ўтган ой охирида Александр Волков учинчи марта кетма-кет ғалабасини тантана қилганди. У Абу-Дабида ўтган UFC 333 турнирида ҳамюрти Ризван Куниев устидан ҳакамларнинг якдил қарорига кўра ғалаба қозонганди. Бу ҳафта эса "Драго" Нью-Йоркда бўлиб ўтадиган UFC 334 турнирининг марказий жангида француз Сирил Ган ва америкалик Жош Хокит ўртасидаги чемпионлик жангига шахсан ташриф буюришни режалаштирмоқда.