11 ноя 11:34
Янгиликлар

Бокс/ММА

UFC 334 турнирининг асосий янгилиги Нурмагомедов бўлиши мумкин

Тахминларга кўра, дунёнинг энг кучли лигаси Нью-Йоркда бўлиб ўтадиган UFC 334 турнирида Усман Нурмагомедов билан шартнома имзоланганини расман эълон қилади.

Ўтган ой охирида мағлубиятсиз россиялик енгил вазн тоифасидаги жангчи UFC билан шартнома имзолаш имкониятига эга бўлди, чунки PFL лигаси билан 90 кунлик эксклюзив музокаралар даври тугади. У ҳозирда PFLда енгил вазн тоифасида чемпионлик камарига эга ва ташкилотнинг вазндан қатъи назар энг яхши жангчилар рейтингида биринчи ўринни эгаллаб турибди.

29 ёшли Усмон Нурмагомедовнинг сўнгги жанги жорий йилнинг июль ойида Нью-Йорк мезбонлик қилган PFL турнирида бўлиб ўтди. У биринчи раунддаёқ ҳали мағлубиятга учрамаган америкалик Арчи Колганни нокаутга учратганди.

Эслатиб ўтамиз, 14 ноябрь куни "Мэдисон Сквер Гарден" афсонавий аренасида бўлиб ўтадиган навбатдаги рақамли тадбирнинг асосий жанги оғир вазн тоифасидаги чемпионлик учун кечади. Унда амалдаги чемпион, француз Сирил Ган ва унинг камарига даъвогар америкалик Жош Хокит ўзаро октагонда тўқнаш келади.