11 ноя 14:40
Янгиликлар

Бокс/ММА

Пётр Ян дунёнинг энг яхши боксчисини айтди

Вазн тоифасидан қатъи назар, UFC’нинг энг кучли жангчилари учлигини якунлаб турган Пётр Ян қайси боксчини дунёдаги энг яхши деб билиши ҳақидаги саволга жавоб берди.

"Ҳозирча бу Дмитрий Бивол деб ўйлайман", - деди россиялик жангчи RCC Boxing нашрига берган интервьюсида журналистнинг тегишли саволига жавоб берар экан.

Ўтган ойда Пётр Ян энг енгил вазн тоифасида UFC чемпионлик камарини муваффақиятли ҳимоя қилди. Трилогиянинг якуний жангида у Грузия вакили, собиқ UFC чемпиони Мераб Двалишвилини ҳакамларнинг якдил қарори билан мағлуб этди.

WBA, WBO, IBF ва The Ring рейтинглари бўйича ярим оғир вазн тоифасида жаҳон чемпиони бўлган Дмитрий Бивол 12 декабрь куни Екатеринбургда бўлиб ўтадиган RCC Boxing турнирида рингга қайтади ва ўз унвонларини WBO версияси бўйича вақтинчалик чемпион британиялик Каллум Смитдан ҳимоя қилади.