Арман Царукян Пётр Яннинг ярим енгил вазнга ўтиш шартини айтди

Россияликнинг фикрича, унинг ҳамюрти буни фақат гонорарининг сезиларли даражада оширилиши шарти билангина амалга ошириши керак.

"Агар унга кўпроқ тўлашса, у юқорироқ дивизионга ўтиши керак. Агар тўланадиган пули арзиса. Агар пуллар ўша-ўша бўлса, таваккал қилишнинг маъноси йўқ. У ерда йигитлар бироз бошқачароқ ҳажмда", — деди Царукян Адам Зубайраев билан суҳбатда.

Шунингдек, Царукян Яннинг енгил вазнда UFC чемпионлик камарини ҳимоя қилган ва ҳакамларнинг якдил қарори билан ғалаба қозонган жанги натижасидан ҳайрон қолмаганини билдирди.

"Мен тўлиқ жангни кўрмадим, фақат ярмини — самолётда кетаётганимда. Натижа умуман ҳайрон қолдирмади", — дея қўшимча қилди енгил вазн жангчиси.