АПЛда илк истеъфо яқин. Жамоага янги мураббийликка номзодлар ҳам маълум — The Athletic

Бу ушбу мавсумда лигадаги илк истеъфо бўлади, деб хабар беради The Athletic.

Пьер Саж жамоаси АПЛнинг 10-турида "Ливерпуль"га имкониятни бой бериб (1:3), 7 очко билан турнир жадвалининг энг сўнгги, 20-ўринини эгаллаб турибди. Саж ёзда Оливер Гласнер ўрнини эгаллаб, жамоа бошқарувини ўз қўлига олган эди. 47 ёшли француз қўл остида "бургутлар" барча турнирларда 5 та ўйинда ғалаба қозонишди, 8 та мағлубиятга учрашди ва уч бор дуранг ўйнашди.

"Пэлас" терма жамоалар ўйинлари сабабли юзага келадиган икки ҳафталик танаффус вақтида янги мураббийни тайинлашни режалаштирмоқда. Номзодлар орасида ферараль ойида ўзларининг аввалги клублари — "Тоттенхэм" ва "Ноттингем Форест"ни тарк этган Томас Франк ҳамда Шон Дайч бор.

Шунингдек, эҳтимолий ворислар қаторида ўтган ёзда "Ноттингем"дан кетган Витор Перейра ва "Пэлас" таркибида беш мавсум ўтказган собиқ марказий ҳимоячи, ҳозирда Австралия терма жамоасини бошқараётган Тони Попович ҳам кўриб чиқилмоқда. Бундан ташқари, клубда "Ковентри"да фаолият юритаётган Фрэнк Лэмпардга нисбатан ҳам хайрихоҳлик билдиришмоқда.