Конор Макгрегор: "Холлоуэйни бир оёқда ҳам енгардим"

Конор трилогиянинг якуний жангида америкалик устидан ўз устунлигини исботламоқчи.

"UFC билан шартномам бўйича сўнгги жангимдаги рақиб Холлоуэй бўлиши керак. Шунчаки яна бир бор бу жангни амалга оширайлик. Ҳа, жангни такрорлайлик. Бу йигит мен билан жанг қилишга журъат эта олмади ва жангни тўхтатишни сўраган ҳам айнан у эди. Макс "Рефери, рефери, рефери!" деб бақириб, жангни ўзи тўхтатди.

Тасаввур қилинг, агар мен шунчаки "Ҳа! Яхши!" деб айтиб, октагондан сакраб ўтсам. Ишонинг, мен ғалаба қозонган бўлардим, чунки у жанг қилишни истамади. Мен уни ҳатто бир оёқда ҳам енгардим, у менга яқинлашишга ҳам журъат эта олмасди", - деди ирландиялик Глазгодаги BKFC 96 турниридан кейинги матбуот анжуманида.

Шу билан бирга, Макгрегор келаси йилнинг ёзидан олдинроқ қайтиши мумкинлигини билдирди.

"Мен аллақачон қайтиш йўлидаман. Ҳозир қайси ой? Ноябрь. Операциядан уч ой ўтди. Менда аввал ҳам шундай жароҳат бўлган ва мен тўққиз ойда қайтганман. Демак, тўққиз ой - бу ёзгача. Мен шунчаки яна жанг қилмоқчиман ва бу Холлоуэй бўлиши керак. Нима бўлганини унутайлик ва жангни қайта ўтказайлик", - дея хулоса қилди Макгрегор.