09 ноя 10:38
Янгиликлар

Бокс/ММА

"Қўллар қичишяпти". Нурмагомедов жанг ўтказиш истагини билдирди

Енгил вазн (70 кг гача) тоифасида PFL чемпиони, мағлубият нималигини билмай келаётган россиялик аралаш яккакураш устаси Усман Нурмагомедов навбатдаги жанги ҳақида гапирди.

"Октагонни соғиниб қолдим. Қўлим қичишяпти...", - деб ёзди Нурмагомедов ижтимоий тармоқлардаги саҳифасида.

Маълумот учун, доғистонлик 28 ёшли Усман Нурмагомедов 2017 йилда профессионал аралаш жанг санъатлари устаси сифатида дебют қилган. 2021 йилдан 2024 йилгача Bellator мусобақаларида қатнашиб, енгил вазн тоифасида чемпион бўлган. 2025 йилдан бери у PFL`да. Ушбу лигада у енгил вазн тоифасининг амалдаги чемпион ҳисобланади.

Аввалроқ, менежер Ризван Магомедов Усман Нурмагомедовнинг UFC билан шартнома имзолаши мумкинлиги ҳақида фикр билдирганди.