Бугун Дана Уайт Дональд Трамп билан Оқ уйдаги лавозим ҳақида гаплашади

Жаҳоннинг энг кучли лигаси раҳбарининг сўзларига кўра, бугун, душанба куни у давлат раҳбари билан учрашув белгилаган, унда бу масала муҳокама қилинади.

"Душанба куни менда учрашув бор. Ҳозир Вашингтонга учиб кетяпман ва бундан кейин гаплашишга арзигулик нарсалар бўлишига ишонаман", — деди Уайт Лас-Вегасда бўлиб ўтган Zuffa Boxing матбуот анжуманида.

Маълумот учун, Уайт ва Трампнинг кейинчалик дўстона муносабатларга айланган ишбилармон алоқалари 2001 йилда бошланган. Ўшанда бўлажак АҚШ Президенти UFC турнирларини ўзига тегишли казиноларда ўтказишга рухсат берган. Жаҳоннинг энг кучли лигаси раҳбари 2016, 2020 ва 2024 йиллардаги Президентлик сайловларида Трампни очиқчасига қўллаб-қувватлаган, барча сайлов кампанияларида унинг ёнида бўлган.

Жорий йилнинг июнь ойида Дональд Трамп UFC`га Оқ уй ҳудудида турнир ўтказишга рухсат берган, бу унинг 80 йиллик юбилейи ҳамда Америка мустақиллик кунини нишонлашга тўғри келган.