Самбочиларимиз жаҳон чемпионатида яна 4 та медал қўлга киритди

Ортда қолган кун якунларига кўра, ўзбекистонлик спортчилар 2 та кумуш ва 2 та бронза медалига сазовор бўлди.

Жанговар самбо баҳсларида -58 кг вазн тоифасида Шаҳзода Азатова, -59 кг вазнда эса Лутфилла Сайдаматов кумуш медални қўлга киритди.

Шунингдек, -88 кг вазн тоифасида Санжар Аблакулов ва -80 кг вазнда Мухлиса Турдиева бронза медалига сазовор бўлди.

Шу тариқа, Ўзбекистон терма жамоасининг жаҳон чемпионатидаги умумий медаллари сони 10 тага етди — 2 та олтин, 4 та кумуш ва 4 та бронза.