UFC 335 турнири битта жангини йўқотди

Америкаликлар Мейси Барбер ва Карли Жудис ўртасидаги энг енгил вазн тоифасида аёллар ўртасида ўтказилиши керак бўлган жанг бекор қилинди. 

Вазиятга яқин бўлган манбаларнинг хабар беришича, Барбер номаълум сабабларга кўра жангни тарк этган. Аммо ушбу жангни сақлаб қолиш ва унга янги сана белгилаш режалаштирилган.

Мейси Барбер жорий йилда бор-йўғи битта жанг ўтказиб, март ойида Алекса Грассога нокаут билан ютқазиб, ташкилотдаги еттита ғалабали сериясини тўхтатганди. Карли Жудис эса, аксинча, тўртта ғалабали серияда келмоқда, жангларидан учтасини техник нокаут билан қўлга киритган.

Маълумот учун, UFC 335 турнири 12 декабрь куни Лас-Вегасда бўлиб ўтади. Унинг асосий воқеаси бразилиялик Чарльз Оливейра ва Диего Лопес ўртасидаги BMF унвони учун жанг бўлади.