08 ноя 22:34
Янгиликлар

Бокс/ММА

"5 ҳафта!". Бивол Каллум Смитга қарши жанг олдидан бугунги спорт формасини кўрсатди + ФОТО

Ярим оғир вазн тоифасида (79,4 кг гача) WBA, IBF ва WBO йўналишлари чемпиони Дмитрий Биволнинг ҳимоя жангига 5 ҳафта вақт қолди.

Россиялик жаҳон чемпиони 11 декабрь куни Екатеринбург шаҳрида ўтказиладиган проф бокс оқшомида британиялик Каллум Смитга қарши рингга кўтарилади.

"5 ҳафта!" — дея ўзининг ижтимоий тармоқдаги саҳифасига машғулотдан сурат жойлаб, унинг остида қисқа изоҳ ёзиб қолдирган Бивол.

Маълумот учун, 35 ёшли Дмитрий Бивол 2014 йилда профессионал боксда дебют қилган. 2017 йилда ярим оғир вазн тоифасида жаҳон чемпиони, 2025 йилда эса мутлақ жаҳон чемпиони бўлган.

Каллум Смит 36 ёшда. Британиялик 2015 йилда проф боксдаги дебютини нишонлаган. 2018 йилда иккинчи ўрта вазн (76,2 кг гача) жаҳон чемпиони бўлган. 2021 йилдан ярим оғир вазн дивизионида ўз жангларини ўтказиб келяпти.