09 ноя 11:09
Янгиликлар

Футбол

Ўзбекистон – Саудия Арабистони учрашуви учун чипталар нархи маълум бўлди

17 ноябрь куни Қатар пойтахти Доҳа шаҳрида бўлиб ўтадиган Ўзбекистон ва Саудия Арабистони миллий терма жамоалари ўртасидаги ўртоқлик учрашувига чипталар сотуви бошланди.

Қатарнинг Al Raya нашри хабар беришича, ташкилий қўмита чипталар нархини қуйидагича белгилаган:

- Биринчи тоифа – 30 Қатар риали (тахминан 98 минг сўм ёки 8,2 доллар);

- Иккинчи тоифа – 15 Қатар риали (49 минг сўм ёки 4,1 доллар);

- Ногиронлиги бўлган мухлислар учун – 10 Қатар риали (33 минг сўм ёки 2,7 доллар).

Чипталарни фақат roadtoqatar.qa сайти орқали харид қилиш мумкин. Улар электрон шаклда тақдим этилади. Бир киши кўпи билан олтита чипта сотиб олиши мумкин.

Эслатиб ўтамиз, Ўзбекистон – Саудия Арабистони учрашуви 17 ноябрь куни "Жассим бин Ҳамад" стадионида Тошкент вақти билан соат 20:30 да бошланади.