Zagreb Grand Prix 2026 учун таркибимиз тасдиқланди: Диёра ва Давлат ҳам Хорватияга боради!

Ҳозиргача ушбу мусобақада дунёнинг 70 давлатидан келадиган 507 нафар дзюдочи қатнашишини расман тасдиқлаган. Улар орасида Ўзбекистон терма жамоасининг 5 нафар вакили ҳам бор. 

Эътиборлиси, узоқ муддатли танаффусдан сўнг Токио-2020 Олимпиадаси совриндори, жаҳон чемпиони Давлат Бобонов яна татамига қайтмоқда. У Загреб Гран-приси меделлари ҳамда қимматли рейтинг очколари учун баҳсларга киришади. Давлат сўнгги бор шу йил 26-28 июнь кунлари Хитойда ўтган Qingdao Grand Prix 2026 турнирида иштирок этган эди. 

Шунингдек, Хорватияга йўл олаётган таркибдан Париж-2024 Олимпиадаси чемпиони Диёра Келдиёрова ҳам жой олган.

Zagreb Grand Prix 2026 учун терма жамоамиз таркиби:

-52 кг: Диёра Келдиёрова 

-66 кг: Азизбек Ортиқов

-81 кг: Арслонбек Тожиев 

-81 кг: Муроджон Йўлдошев 

-90 кг: Давлат Бобонов