UFC рейтинги янгиланди: Нолан Топ-10, Смит Топ-15`да

Жумладан, Ренато Мойкано устидан техник нокаут билан ғалаба қозонган австралиялик Том Нолан енгил вазн тоифаси рейтингида беш поғона юқорилаб, дивизионнинг энг яхши ўнталигида еттинчи ўринни эгаллади.

Бразилиялик жангчи эса аксинча, олти поғонага пастлади ва 14-ўринга жойлашди. Ноланни дивизионнинг энг яхши бешталигидан унинг ватандоши, олтинчи ўринни эгаллаб турган Куиллан Салкилд ажратиб турибди.

UFC яримўрта вазн тоифаси рейтингига америкалик Жакоби Смит ҳам киритилди. У турнирнинг иккинчи энг муҳим жангида ямайкалик Рэнди Браунни ҳакамларнинг якдил қарори билан мағлуб этиб, дивизионда ўн тўртинчи ўринни эгаллади.

Бошқа ўзгаришлардан, россиялик Яна Сантоснинг аёллар ўрта енгил вазн тоифасидаги рейтингда икки поғона пастлаб, саккизинчи ўринга тушиб кетганини қайд этиш жоиз. Ундан ҳакамларнинг якдил қарори билан устун келган бразилиялик Луана Сантос эса бир поғона юқорилаб, дивизионнинг энг яхши учталигини якунлади.