04 ноя 13:27
Янгиликлар
Бокс/ММА
Ҳасанбой Дўсматов IBA.Pro чемпионлик камари учун жанг қилади. Рақиб, сана ва манзил аниқ!
Ҳаваскор боксда ўзбекистонлик икки карра Олимпия ўйинлари ғолиби Ҳасанбой Дўсматовнинг навбатдаги жанги тафсилотлари аниқ бўлди.
Ҳамюртимиз 4 декабрь куни Туркиянинг Истанбул шаҳрида ташкил этиладиган IBA President's Cup турнири доирасида рингга кўтарилади.
Унга ўша куни Филиппин вакили Родерик Баутиста рақиб бўлади. Аҳамиятлиси, иккинчи ўта енгил вазн тоифасидаги 10 раундлик беллашув IBA.Pro чемпионлик камари учун ўтказилади.
IBA President's Cup мусобақаси 27 ноябрдан 4 декабргача давом этади. Турнир IBA Elite — ҳаваскор ва профессионал боксчиларни ягона тизимда бирлаштиришга қаратилган янги халқаро платформанинг илк мусобақаси бўлади.
President's Cup'нинг умумий мукофот жамғармаси 3 млн долларни ташкил этади. Эркаклар ўртасида 12 та вазн тоифаси бўйича ғолиблар 100 минг, кумуш медал соҳиблари 50 минг, бронза медал эгалари эса 25 минг доллар мукофот олади.
Ҳавола :
Манба : olamsport.com
Фикрлар