11 ноя 12:36
Янгиликлар

Бокс/ММА, Олимпия ўйинлари

IV Ёшлар Олимпиадаси. Бугун боксчиларимиз финал учун рингга кўтарилади. Жуфтликларнинг бирида ўзбек-қозоқ қарама-қаршилигига гувоҳ бўламиз

Сенегал пойтахти Дакар шаҳри мезбонлигида ўтаётган IV Ёзги Ёшлар Олимпия ўйинларининг бокс мусобақасида бугун 1/2 финал жанглари ташкил этилади.

Хабар берганимиздек, боксчи қизларимиздан икки нафари кечаги жангларда ярим финал йўлланмасини қўлга киритган эди. Бугун улар финал чиптаси учун рингга чиқишади.

-54 кг вазн тоифасида юртимиз шарафини ҳимоя қилаётган Сабрина Чакоманова қозоғистонлик Марал Толепбергенга, -60 кг вазндаги вакиламиз Рушанабону Исоева мисрлик Менателла Ибраҳимга қарши жанг ўтказади.

Ҳар икки боксчимиз Ёшлар Олимпиадасининг камида бронза медалини нақд қилиб улгурган. Сабринанинг жанги бизнинг вақт билан соат 22:45, Рушанабонунинг баҳси эса 23:15да бошланади.