А Серия. 8 та сариқ, 2 та қизил, 3 та гол ва "Ювентус"нинг ғалабаси

Баҳс ҳақиқий курашларга бой бўлди. Биринчи бўлимнинг 25-дақиқасида "Наполи" ҳимоячиси қўпол хатога йўл қўйди. Малкуит дарвозабонга жуда суст тўп узатди ва бунинг натижасида Роналду Мерет билан бирга-бир вазиятга чиқиб неаполликлар посбонидан ўтиб кетди. Унинг йўлини қўполлик эвазига тўсган Меретга қизил карточка кўрсатилди. Жарима зарбасини Миралем Пьянич муваффақиятли амалга оширди. Бир оз вақт ўтиб, 1 киши кам бўлиб қолган Анчелотти шогирдлари жуда яхши вазиятга эга бўлишди. Зелинскининг Шенсни дарвозасига йўллаган зарбаси устун тегиб, майдон четига кетиб қолди. 39-дақиқада Эмре Жан ҳисобни 0:2 кўринишга келтирди. 

Иккинчи бўлимнинг бошида Миралем Пьянич ўзининг учрашувдаги иккинчи сариқ карточкасини олган ҳолда майдонни тарк этди. Футболчилар сони тенглашганидан кейин мезбонлар хафвли ҳужумлар сони ва сифатини оширишди. Натижа эса узоқ куттирмади. 61-дақиқа. Кальехон жамоадоши Лоренцо Инсиньенинг узатмасидан унумли фойдаланди  — 1:2. 

Учрашувда бошқа тўп киритилмади ва "Ювентус" турнир жадвалида энг яқин тақибчиси ҳисобланган "Наполи"дан 16 очко илгарилаб кетди. 

Наполи – Ювентус 1:2 (0:2, 1:0)

«Сан-Паоло»

Голлар: 0:1 – 28 Пьянич, 0:2 – 39 Джан, 1:2 – 61 Кальехон.

Наполи – Мерет, Кулибали, Хюсай, Максимович, Малькюи (Мертенс, 46), Зелиньски, Аллан, Кальехон (Уна, 78), Фабиан Руис, Инсинье, Милик (Оспина, 27).

Ювентус – Шченсны, Кьеллини, Алекс Сандро, Жоау Канселу (Де Шильо, 61), Бонуччи, Пьянич, Джан, Матюиди, Бернардески (Дибала, 85), Манджукич (Бентанкур, 74), Роналду.

Огоҳлантиришлар: Пьянич (34), Жоау Канселу (54), Максимович (77), Алекс Сандро (83), Кулибали (86), Аллан (89), Бентанкур (89), Дибала (90).

Четлатишлар: Мерет (25), Пьянич (47).