А Серия. "Милан" ўз уйида "Наполи"га ютқазди

Милан шаҳридаги "Сан Сиро" стадионида ўтказилган Италия А Сериясининг 21-тур марказий баҳсида "Наполи" "Милан"ни мағлубиятга учратди.

"Наполи" учрашув дебютидаёқ тезлик билан икки маротаба Доннарумма қўриқлаётган дарвозани ишғол этишга муваффақ бўлди. Дастлаб 6-дақиқада Инсинье ўзининг ажойиб зарбаси билан ҳисобни очди.

Тўққизинчи дақиқада Кальехон ҳисобни йириклаштирди. Ўйиннинг 37-дақиқасида Куцка  орадаги фарқни биттага қисқартирди. Иккинчи бўлимда устунлик "Милан" тарафида бўлсада, қолган вақт давомида мезбонлар мувозанатни тиклашга улгуришмади.

Шу тариқа "Наполи" Милан сафаридан муҳим уч очко билан қайтди. Жорий мавсумда "Наполи" ҳар иккала беллашувда ҳам рақибидан устун келди.

Италия А серияси. 21-тур

Милан – Наполи 1:2 (1:2, 0:0)

«Жузеппе Меацца (Сан-Сиро)» 

Голлар: 0:1 – 6 Инсинье, 0:2 – 9 Кальехон, 1:2 – 37 Куцка. 

Милан – Доннарумма, Гомес, Калабрия, Абате, Палетта, Куцка, Соса (Бертолаччи, 74), Бонавентура, Пашалич (Ньянг, 86), Сусо, Бакка (Лападула, 73).

Наполи – Рейна, Тонелли, Стринич, Хюсай, Альбиоль, Мертенс, Аллан (Рог, 86), Кальехон, Гамшик (Зелиньски, 74), Инсинье, Жоржиньо (Диавара, 61).

Огоҳлантиришлар: Мертенс (12), Калабрия (22), Соса (26), Стринич (38), Тонелли (45), Гомес (51), Бакка (56), Кальехон (82).