27 фев 17:09
Янгиликлар

Теннис

Абдураимова асосий даврада ҳам ғалабага эришди

Россия пойтахти Москва шаҳрида теннис бўйича “Фьючерс” туркумига кирувчи турнирнинг асосий тўр баҳслари бошланди.

Соврин жамғармаси 25 000 АҚШ долларини ташкил қилувчи ушбу мусобақада ҳамюртларимиздан Нигина Абдураимова ва Оқгул Омонмуродова ҳам ўз имкониятини синовдан ўтказяпти.

Ҳар икки теннисчимиз ўз иштирокларини саралаш босқичидан бошлашди. Омонмуродова мағлубият аламини тотиб кўрган бўлса, Абдураимова икки ғалаба эвазига асосий тўрга йўл олди.

Бундан бир неча дақиқа аввал Нигина асосий тўрнинг илк давра баҳсини ўтказди. У руминиялик Андреа Амалия Роскага қарши кортга чиқди ва рақибасини 6:3, 6:1 ҳисобида мағлуб этди. Энди Абдураимова иккинчи даврада россияликлар - Ольга Дорошина ва София Лансере баҳси ғолибаси билан тўқнаш келади.