Абдураимовадан камбэк, у Таиланд турнири финалида!

Мукофот жамғармаси 15 000 АҚШ долларидан иборат турнирда ўзбекистонлик теннисчи Нигина Абдураимова ҳам муваффақиятли тарзда иштирок этяпти. Ҳамюртимиз ҳозиргина якунига етган 1/2 финал учрашувида иродали ғалабага эришди. 

Нигина 1 соату 50 дақиқа давом этган баҳсда турнирнинг учинчи ракеткаси, хитойлик Е Ксин Мани 4:6, 6:1, 6:4 ҳисобида мағлуб этиб, финалга йўл олди. Иккинчи ярим финал учрашуви бироздан сўнг бошланади. Унда асосий тўрга саралаш баҳслари орқали етиб келган Хитой ва Хитой тайпейилик теннисчилар ўзаро муносабатларига ойдинлик киритиб олишади.