09 фев 15:12
Янгиликлар

Теннис

ABN AMRO Open. Дунёнинг учинчи ракеткаси финалда

Нидерландиянинг Роттердам шаҳрида ўтказилаётган теннис бўйича ATP 500 тоифасига кирувчи турнир якуни сари яқинлашмоқда.

Мусобақада финал иштирокчилари маълум бўлди. Дунёнинг учинчи ракеткаси Карлос Алькараз 1/2 финалда ATP рейтингида 21-поғонада бораётган польшалик Хуберт Гуркачни қийинчилик билан мағлубиятга учратди - 6/4, 6/7(5), 6/3.

Бу теннисчиларнинг ўзаро ўтказган тўртинчи учрашуви эди - 4:0. Икки соату 23 дақиқа давом этган баҳсда Алькараз 5, Гуркач 10 та эйс зарбасини амалга оширди. Қўшхатолар ва брейклар бўйича устунлик мос равишда 4 га 1 ҳамда 3 га 1 кўринишида Карлос томонида бўлди. Бугун у бош соврин учун австралиялик Алекс Де Минаурга қарши кортга чиқади.