06 авг 17:52
Янгиликлар

Бокс/ММА

Адесанья Перейра билан жанг ҳақида: "Ўласан ёки ўлдириласан" + ФОТО

UFC чемпиони Исраэль Адесанья твиттердаги саҳифаси орқали Алекс Перейра билан жангнинг эълон қилинишига муносабат билдирди.

Адесанья Алекс Перейра билан 12 ноябрь куни, UFC 281 доирасида жанг қилади. Исраэль ушбу жангга қуйидагича муносабат билдирди:

"Лордлар қасос оламан, дейди. Мен ҳам сенга шундай дейман. Бу шу ерда тугайди. Ўласан ёки ўлдириласан", - деб ёзган Адесанья ўз саҳифасида.

Эслатиб ўтамиз, чемпион Адесанья сўнгги бор 3 июль куни Жаред Каннонирга қарши жанг қилган эди. Қизиғи шундаки, Алекс Перейра ҳам сўнгги жангини 3 июль кунги UFC 276 турнирида ўтказган.

Таъкидлаш жоиз, Адесанья ва Перейра икки бор кикбоксингда тўқнаш келишган. Ҳар иккала жангда ҳам Алекс Адесаньяни мағлубиятга учратган. 2017 йилнинг март ойида Glory of Heroes 7 турнири доирасидаги жангда Перейра Адесаньяни нокаутга учратган.