03 июл 08:51
Янгиликлар

Бокс/ММА

UFC 276. Алекс Перейра - Шон Стрикленд жангида нокаут қайд этилди

"Ти-Мобайл Арена"да UFC 276 турнирининг асосий кард жанглари давом этмоқда.

Бироз аввал ўрта вазн тоифасида америкалик 31 ёшли Шон Стрикленд ҳамда бразилиялик 34 яшар Алекс Перейра ўртасидаги жанг якунига етди. Жанг биринчи раунднинг иккинчи дақиқаси ўтиб бораётган бир паллада тўхтатилди. Перейра рақибини нокаутга учрата олди.

Шу тариқа, Шоннинг 6 та жангдан иборат ғалабали сериясига чек қўйилди. Унинг ҳисобида 25 ғалаба ва 4 та мағлубият бор. Перейра эса бугун фаолиятидаги 6-ғалабасини тантана қилди. UFC промоушенидаги ғалабалари сони 3 тага етди. ММАдаги фаолиятини мағлубият билан бошлаган эди.

Маълумот учун, Шон Стрикленд бугунги жангига қадар UFC рейтингида 4-ўринни эгаллаб турганди. Алекс Перейра эса бугунги жангига қадар ҳали рейтингга кирмаган эди.