Афруза чемпионлик билан бирга Жаҳон кубогига йўлланма қўлга киритди

Қувонарлиси, айни дақиқаларда ўтказилаётган сўнгги 9-тур учрашувида ҳамюртимиз Афруза Ҳамдамова ўзи учун етарли бўлган дуранг натижани қайд эта олди. У энг яқин таъқибчиси, қозоғистонлик Елназ Калиахмет билан муросага келди ва 7,5 очко тўплаган ҳолда мусобақа ғолибасига айланди. 

Шу тариқа, ёшлар ўртасида икки карра жаҳон чемпиони бўлган Афруза Ҳамдамова шу йилнинг 5-29 июль кунлари Грузиянинг Батуми шаҳрида бўлиб ўтадиган FIDE Жаҳон Кубоги мусобақасига йўлланмани қўлга киритди. Ҳамюртимиз Қозоғистон турнирининг 9 турида 6 ғалаба ва 3 дуранг қайд этди. Бу билан у ўз рейтингини 17,6 баллга яхшилаб олди.