Афсонавий Брайант ва унинг қизига улар ҳалокатга учраган жойда ҳайкал ўрнатилди + ФОТО

Бундан икки йил аввал баскетбол афсонаси Кобе Брайант, унинг 13 ёшар қизи Жанна ва вертолётда бўлган яна 7 нафар инсон ҳалокатга учраганди. Уларнинг барчаси воқеа жойида ҳалок бўлишди. 

«Лейкерс»нинг собиқ баскетболчиси Коби Брайант ва унинг қизи Жанна учун ёдгорлик чоршанба куни Калифорниянинг Калабасас шаҳрида вертолёт ҳалокатга учраган жойда, улар билан бўлган яна етти нафар кишининг фожиали ўлимидан икки йил ўтиб ўрнатилди.

Ёдгорлик ҳайкалтарош Ден Медина томонидан яратилган. Унда Кобе ўзининг севимли жамоаси "Лейкерс" либосида Жаннани қучоқлагани тасвирланган. Жанна ҳам спорт формасида ва қўлида баскетбол тўпини ушлаб олган. Иккиси бир-бирига қараб жилмайиб турибди.

Ёдгорликда 2020 йил 26 январда рўй берган вертолёт ҳалокатида Брайант, унинг қизи Жанна ва яна етти нафар қурбонларнинг исмлари ёзилган.