31 дек 16:01
Янгиликлар

Теннис

Новак Жокович болалигидаги уч асосий кумирини айтди

"Катта Дубулға" туркумига кирувчи турнирларнинг 24 карра чемпиони, жаҳоннинг собиқ биринчи ракеткаси, сербиялик Новак Жокович болалигидаги кумирлари ҳақида гапирди.

"Менинг кумирларим Пит Сампрас, Коби Брайант ва Альберто Томба эди - улар ўз спорт турларида энг буюк эдилар. Мен уларни мухлис сифатида қўллаб-қувватладим. Агар теннисчи бўлмаганимда, нима билан шуғулланардим? Болалигимда футбол ўйнашни яхши кўрардим...", - дея Жоковичнинг Globe Soccer Award мукофотидан иқтибос келтиради журналист Николо Скира Х ижтимоий тармоғидаги саҳифасида.

Эслатиб ўтамиз, 28 декабрь куни Жокович Дубай (БАА) шаҳрида бўлиб ўтган Globe Soccer Award мукофотининг "Йил спортчиси" номинациясини "Ал-Наср" клуби ва Португалия терма жамоаси ҳужумчиси Криштиану Роналду қўлидан қабул қилиб олган эди.