Нурмагомедов Абу-Дабидаги RAF турнирига киритилмайди

Бу ҳақда ташкилот раҳбарияти тадбир олдидан ўтказилган матбуот анжуманида маълум қилди.

"Биз вазиятнинг имкон қадар тезроқ ҳал бўлишига умид қиламиз. Лекин шуни ишонч билан айта оламанки, Усман шанба оқшомидаги тадбиримизда иштирок этмайди", - деди лига раҳбари Чад Бронстейн.

Ҳозирча шанба кунги турнирда Мераб Двалишвили ва Умар Нурмагомедов иштирок эта оладими ёки йўқ, буниси номаълум. Сўнгги маълумотларга кўра, у ҳам муштлашувда иштирок этган. Двалишвили тадбир доирасида бразилиялик Марлон Мораес билан учрашиши керак, Нурмагомедовнинг эса америкалик Юрайя Фаберга қарши гиламга чиқиши режалаштирилган.

Россиялик ҳам, грузиялик ҳам матбуот анжуманида иштирок этмади, чунки улар ҳали ҳам ҳибсда сақланмоқда. Абу-Даби полицияси ҳам оммавий муштлашув юзасидан расмий баёнот бериб, ўн киши ҳибсга олинганини маълум қилди.

"Абу-Даби полицияси меҳмонхонада содир бўлган оммавий муштлашувда иштирок этган саккиз кишини ҳибсга олди, бу ҳодисага уларнинг аввалги келишмовчилиги сабаб бўлган. Шунингдек, ҳодисани видеога олган икки киши ҳам ҳибсга олинди. Ҳибсга олинганларга нисбатан зарур ҳуқуқий чора-тадбирлар кўрилди, сўнгра уларнинг ишлари кейинги кўриб чиқиш учун прокуратурага топширилди.

Абу-Даби полицияси хавфсизлик ва жамоат тартибини таъминлаш, шунингдек, хавфсизликни бузиши ёки бошқаларни хавф остига қўйиши мумкин бўлган ҳаракатларга қарши қатъий курашиш мажбуриятини яна бир бор тасдиқлади. Вазирлик қонунлар ва белгиланган қоидаларга риоя қилиш, шунингдек, маданиятли ва масъулиятли хатти-ҳаракатлар зарурлигини таъкидлади", - дейилади баёнотда.