Рамазон Темиров вазнидаги чемпионлик жангини ким суғурталаши маълум бўлди

Ушбу чемпионлик жанги 30 январь куни Канаданинг Торонто шаҳрида ўтказиладиган UFC 336 турнирининг асосий воқеаси бўлади. UFC’нинг энг енгил вазн тоифаси Мета-рейтингида учинчи ўринни эгаллаб турган Брендон Ройваль Жошуа Ван - Манель Капе чемпионлик жангини расман суғурта қилади. Жангчилардан бири жароҳат олса ёки бошқа сабаб билан сафдан чиқса, унинг ўрнини айнан Ройваль эгаллайди. У ҳам икки жангчи сингари расмий тарозидан ўтиш маросимида иштирок этади. 

Маълумот учун, Брендон Ройваль ўтган йили икки марта мағлубиятга учраган ва эътиборлиси, иккала жангда ҳам бўлажак чемпионлик жанги иштирокчиларига енгилган. Даъвогарлик жангида Жошуа Ванга ҳакамларнинг якдил қарори билан ютқазган бўлса, Манель Капега биринчи раунддаёқ нокаут эвазига имкониятни бой берган.

Июль ойида эса 34 ёшли америкалик Лас-Вегасда бўлиб ўтган UFC 329 турнири доирасидаги жангнинг учинчи раундида Лонье Каванани ортдан бўғиш орқали таслим этиб, фаолиятини муваффақиятли йўлга қайтарганди. Кавана UFC 333 турнирида ҳамюртимиз Рамазон Темировни биринчи раунддаёқ техник нокаутга учратган эди.