07 апр 15:48
Янгиликлар

Дзюдо

Афсонавий гимнастикачимиз Оксана Чусовитина эъзозимизда + ФОТО

“Универсал” спорт саройида ўтган Учқун Муродов халқаро турнирининг тантанали очилиш маросимида ўзбек ва жаҳон гимнастикасининг афсонаси Оксана Чусовитина мусобақанинг фахрий меҳмонлари қаторидан жой олди.

Ўзбекистон Миллий олимпия қўмитаси раиси ўринбосари, мамлакат дзюдо федерацияси раиси Азизжон Камилов маросим давомида Оксана Чусовитинага Жаҳон кубогидаги муваффақиятли иштироки, ўзбек спорти ривожига қўшаётган улкан ҳиссаси учун эсдалик совғаси топширди.

Шунингдек, Халқаро дзюдо федерацияси (IJF) бош рефери директори Армен Багдасаров, терма жамоамиз бош мураббийи Илиас Илиадис ҳам спортимиз фахрини тарихий ғалаба билан қутлашди. Ўз ўрнида Оксана Чусовитина ёшларни мақсад сари олға интилиш лозимлиги, бунинг учун меҳнатдан қочмасликка чақирди.