Афсус. "Ҳумо" хоккей клуби ёпилиши мумкин

Воронковнинг ёзишича, Тошкентнинг "Ҳумо" хоккей клуби молиявий қийинчиликлар туфайли фаолиятини тўхтатиш арафасида турибди. Спорт журналисти Шерзод Нурматов тахминига кўра, клуб фақат Ўзбекистон чемпионатида иштирок этиши мумкин, у ерда мавсумда атиги 10 тача ўйин ўтказилади. Жамоа раҳбарияти молиялаштириш бўйича асосий ҳомийдан маълумот кутмоқда ва энг муҳими, "Ҳумо" аниқ қаерда, қайси лигада ўйнаши масаласи сўроқ остида. Ҳаммаси июнь ўрталарида маълум бўлиши кутилмоқда. Ҳозирда бир қатор хоккейчилар "Ҳумо" билан хайрлашган ва аллақачон ўзига янги жамоа топиб улгурган.