Аҳлиддин Мирзадавлатов узоқ танаффусдан кейин яна жангларга қайтмоқда

У Қозоғистоннинг Octagon ММА Лигаси билан янгиланган шартнома имзолади.

Бу ҳақда Аҳлиддин ўзининг Instagram'даги саҳифасида маълум қилди. Тахминларга кўра, спортчи 11 май куни Тошкентда ўтказиладиган Octagon турнирида иштирок этиши мумкин.

Маълумот учун, Мирзадавлатов фаолияти давомида 14 та жанг ўтказиб, 11 та ғалаба, 2 та мағлубият ва 1 та дуранг қайд этган. У сўнгги жангини 2023 йил сентябрь ойида Педро Элиасга қарши ўтказиб, муддатидан олдин ғалаба қозонган эди.