28 ноя 11:14
Янгиликлар
Бокс/ММА
Аҳмадалиевнинг вазнида бирлаштирувчи жанг якунланди: Муроджон ғолиб билан мутлақ чемпионлик учун жанг ўтказиши мумкин
АҚШнинг Невада штати Лас-Вегас шаҳрида навбатдаги профессионал бокс оқшоми ниҳоясига етди.
Кечанинг марказий жангида иккинчи енгил вазн тоифасида WBC йўналиши чемпиони Брендон Фигероа WBO камари соҳиби Стивен Фултонга қарши рингга кўтарилди.
Баҳс тўлиқ 12 раунд давом этди ва ғолиб очколар ҳисобига кўра аниқланди. Ҳакамлар қарори билан Стивен Фултон ғалабага эришди (114:114, 116:112, 116:112) ва икки йўналишда чемпионга айланди.
Эслатиб ўтамиз, мазкур вазнда WBA ва IBF камарлари соҳиби ўзбекистонлик Муроджон Аҳмадалиев ҳисобланади.
Аввалроқ, Муроджон Аҳмадалиев мазкур тўқнашув ғолибига қарши мутлақ чемпионлик учун жанг қилишини айтиб ўтганди.
Ҳавола :
Манба : olamsport.com
Фикрлар